Қазақстанның жас футболшысы сербиялық командаға ауысты

Қазақстан жастар құрамасына шақырту алған футболшы Изат Құлжанов Сербияның «Раднички Пирот» командасына ауысты, деп хабарлайды Prosports.kz, ҚазАқпаратқа сілтеме жасап.

<span>Ақпаратты агенттік тілшісіне футболшының өзі айтты. Изат қазір Сербияда. Ол бұған дейін «Ертіс» футбол клубында ойнаған. </span>

<span>Еске салсақ, бұған дейін біз Павлодардың «Ertis» клубы футболдан Қазақстан чемпионатына қатысудан бас тартқаны және клубта қаржылай қиыншылықтар бар екені туралы хабарлаған болатынбыз. </span>

<span>18 жастағы Изат Құлжанов – Ақсу футбол мектебінің түлегі. 2009 жылы белгілі спорт бапкері Манарбек Қасеновтің қол астында жаттығу жасады. Кейін «Ертістің» жастар командасына алынды. Бірнеше рет Қазақстан жастар құрамасына шақыртылған. </span><span>2019 жылы Павлодар клубы сапында 32 матчқа қатысып, 8 гол соқты. Изат жартылай қорғаушы шебінде доп тебеді. </span>

<span>Изат Құлжановтың жаңа командасы «Раднички Пирот» Сербияның бірінші лигасында ойнайды. Ұжым былтыр лиганы 13-ші орында аяқтаған.</span>