«Реал» ойыншысы «Интерге» ауысады

«Реал Мадрид» футбол клубының ойыншысы Ашраф Хакими «Интерге» ауысуы мүмкін, деп жазады Prosports.kz.

Мароккалық қорғаушы соңғы екі маусымда «Боруссия Дортмундқа» жалға берілген. Хакими дортмундтық команда сапында керемет өнер көрсетті. Биылғы маусымда Бундеслигада 32 ойынға қатысып, 5 гол соқты және 10 нәтижелі пас шығарды. Сонымен қатар Чемпиондар лигасында 8 матчқа қатысып, 4 гол соқты.

Миландық команда 21 жастағы жас ойыншы үшін 40 миллион еуро ұсынып отыр. Хакими үнемі негізгі құрамда ойнағысы келеді. «Интердің» бас бапкері Антонио Конте өзінің үш қорғаушы жүйесінде оған орын табылатынын айтып сендірді.