Қазақстандық футболшының командасы жеңіске жете алмады

Қазақстандық шабуылшы Самат Сәрсенов Латвия чемпионатында бақ сынайтын «Валмиера» сапындағы кезекті ойынын өткізді, деп жазады Prosports.kz.

Жоғарғы лиганың үшінші турында оның командасы сырт алаңда «Вентспилспен» 2:2 есебімен тең тарқасты.

Самат Сәрсенов матчтың 71-минутында алаңға шықты. 

«Вентспилс» (Вентспилс, Латвия) - «Валмиера» (Валмиера, Латвия) - 2:2

Гол cоққандар: Каспарс Сварупс 53, Гиорги Еристави 56 - Толуваласе Арокодаре 35, Крисс Карклинс 75

Айта кетейік, 23 жастағы Сәрсенов латвиялық клубқа ақпанның басында «Тараздан» ауысқан. Қазақстан Премьер-лигасында ол 23 матч өткізіп, бір гол соқты.