Ла лига: 80 жыл сақталған рекорд жаңарды
Қазақстанның және әлемнің спорт жаңалықтарына жазылыңызИспания чемпионатының 31-туры аясында «Реал Мадрид» өз алаңында «Мальорканы» 2:0 есебімен жеңді, деп жазады Prosports.kz.
Осы ойында Ла лига тарихындағы жаңа рекорд тіркелді.
Қонақтар сапында ойынның 84-минутында алаңға шыққан Лука Ромеро Испания чемпионаты тарихындағы ең жас футболшы атанды.
Жас аргентиналық 2004 жылы 18 қарашада дүниеге келген. Ла лигадағы дебюттік матчына шыққан сәтте оның жасы бар болғаны 15-тен 219 күн асқан болатын.
Бұған дейін аталған рекорд «Сельта» қорғаушысы Сансонға (15 жас 255 күн) тиесілі болатын. Ерекше айта кетерлігі, Сансон бұл рекордты 1939 жылы 31 желтоқсанда тікеген. Демек, аталған рекорд 80 жылдан астам уақыт бойы сақталған деген сөз.
Luka Romero becomes the youngest debutant in La Liga history (15 years 219 days) pic.twitter.com/Ehh9teurEo
— ESPN FC (@ESPNFC) June 24, 2020