«Ертістің» бұрынғы ойыншысы ресейлік клубқа ауысты

«Ертіс» футбол клубының бұрынғы қорғаушысы Андрей Хрипков саратовскілік «Сокол» командасына ауысты.

Бұл туралы ресейлік клубтың баспасөз қызметі хабарлады. 

Ресейлік футболшы «Ертіске» биыл жыл басында ауысып келген. Павлодарлық клуб сапында екі матчқа қатысты. 

Бұған дейін футболшы өз елінің «Волга», «Текстильщик», «КАМАЗ», «Олимпиец», «Мордовия» командаларында өнер көрсеткен.