Франциялық клубтың 5 ойыншысы коронавирус жұқтырды

Франциялық «Сент-Этьен» футбол клубы ресми сайтында командада мүшелерінің ішінде бес адамнан коронавирус анықталғанын хабарлады, деп жазады Prosports.kz.

16 және 17 маусымда клубтың 22 қызметкері мен 33 футболшысы тест тапсырған. Нәтижесінде 5 ойыншының коронавирус жұқтырғаны анықталған. Мұның үшеуі негізгі құрам ойыншысы екен.

Олар карантинге жіберілді. Вирус жұқтырған ойыншылар команданың басқа мүшелерімен байланысқа шықпаған. Сондықтан клуб қалыпты режимде жұмыс істей береді.