А сериясы келесі маусымда басқа форматпен өтуі мүмкін

Италия футбол федерациясының басшысы Габриэле Гравина А сериясының форматын өзгерту мүмкіндігі туралы мәлімдеді, деп хабарлайды Prosports.kz. 

«Егер турнир 12 қыркүйекте басталса, маусымды уақтылы аяқтау үшін қысқы демалыс кезінде кейбір күндерді кейінге шегеруге тура келеді. А сериялары әдеттегі форматта басталады деп үміттенеміз, бірақ басқа нұсқалар жоққа шығарылмайды.

В жоспары - плей-офф және плей-ауттар. Бұл жеделдетілген формат, сонымен қатар спорт принципіне кепілдік береді », - дейді Гравина Sky Sports басылымына берген сұхбатында. 

Еске салайық, А сериясының осы маусымы 20 маусымда қайта басталуы керек.