Гуральски: Мен өмірімде «Қайраттағы» секілді жаттығу базасын көрген емеспін

«Қайраттың» қорғаушысы Яцек Гуральски Newonce.sport сайтына сұхбат берді, онда ол оның алматылық клубқа ауысуы туралы айтты, деп хабарлайды Prosports.kz.

- Жаңа клубыңыз туралы сөйлесейік. Сізге «Қайрат» ұнадыма?

- Клуб керемет ұйымдастырылған. Мен өмірімде мұндай жаттығу базасын ешқашан көрген емеспін! Алты футбол алаңы, оның біреуі күмбез астында. Онда суықта да жаттығуға болады. Сондай-ақ, Footbonaut супер-тренажері бар. Дортмундтық «Боруссиядағы» сияқты. Базаның жеке қонақүйі бар, онда әр ойыншы бөлме алады және онда қалаған кезде тұра алады. Таңғы ас, түскі ас және кешкі ас үнемі дайындалады. Үлкен жаттығу залын біздің керемет фитнес маманы Кристос Пападопулос өте шебер қолданады. Ол ұзақ жылдар «Шалькеде» жұмыс істеген. Маған оның басшылығымен жаттығу ұнайды, өйткені ол жаттығу мен футбол туралы бәрін біледі.

- «Қайратқа» ауысуыңызға не себеп болды?

- Менде Түркия чемпионатынан және ммерикандық MLS-тен ұсыныстар болды, бірақ Алексей Шпилевский, «Қайраттың» бас бапкері мені Қазақстанға келуге көндірді.

- Келісім жасамас бұрын клуб пен қаланы көруге мүмкіндігіңіз болды ма?

- Осы мақсатта «Қайраттың» спорт менеджері арнайы Польшаға ұшып келді. Ол маған академия, футбол базасы, стадион және қала туралы презентациялары бар бейнені көрсетті. Бұл тұрғыдан клуб өзін өте кәсіби түрде ұстады. Маған көргендер өте ұнады, сондықтан мен жобаға қызығушылық таныттым. Содан кейін мені бас бапкер Алексей Шпилевский шақырды. Біз ұзақ әңгімелестік. Ол маған не үшін өз командасында көргісі келетінін түсіндірді.

- Клуб президенті Қайрат Боранбаевпен кездесуге мүмкіндігіңіз болды ма?

- Ия, біз Түркиядағы ОЖЖ-да кездестік. Өте жақсы адам. Пандемия кезінде мен Быдгощтағы ауруханалардың біріне қаржылай көмек көрсетуді ұйғардым. Мұны қазақстандық БАҚ жазды, президент осыны оқығанда менің шешімімді қолдады. Ол қайырымдылық жұмыстарына қатысады және көптеген жергілікті жобаларды қолдайды.

Гуральский «Қайратқа» биылғы қаңтарда қосылды. Оның келісімшарты үш маусымға есептелген.

2016 жылдан бастап Польша құрамасының мүшесі. 2018 жылы ол Әлем кубогына қатысты.