«Барселона» қызметкерлерінің санын қысқартады

«Барселона» коронавирус пандемиясының кесірінен табысынан айырылып, қаржысын барынша үнемдеуге мәжбүр.

Каталондық клуб қызметкерлерінің санын қысқартуды жөн көрген. Бірінші кезекте скаут бөлімінің жұмысшылары қызметінен кетеді. Бөлімде қызмет ететін 40 адамның тек жартысы орнын сақтап қалады.

Дегенмен жұмыстан кететін қызметкерлерге «Барселона» қосымша қаржы төлейді. Ал қызметінде қалғандар жарты күндік жұмысқа оралады.