Екінші лиганың командасы Бауыржан Жолшиевті шақырды

Биыл Екінші лигада бақ сынайтын «SD Family» клубының басшысы Дидар Сыдықбек Қазақстан құрамасы мен «Астананың» бұрынғы ойыншысы Бауыржан Жолшиевті командасына шаықырды.

– «SD Family» командасы Қазақстан құрамасының бұрынғы ойыншысы Бауыржан Жолшиевті қатарына қуана-қуана қосады. Әрине, ол 42500 теңге көлемінде айлыққа келіссе, - деп жазды Дидар Сыдықбек Instagram-парақшасында.

Айта кетейік, Бауыржан Жолшиев соңғы рет жасыл алаңға 2015 жылы шыққан. Ол УЕФА Чемпиондар лигасының топтық кезеңіндегі «Галатасарайға» қарсы матчтан соң футболдан қол үзіп қалды.