«Челси» екі ардагер ойыншысымен жаңа келісімшарт жасасты

«Челси» футбол клубы қақпашы Вильфредо Кабальеро және шабуылшы Оливье Жирумен келісімшарт мерзімін ұзартты, деп жазады Prosports.kz.

Бұл туралы лондондық клубтың ресми сайты хабарлады.

Енді 33 жастағы шабуылшы мен 38 жастағы қақпашы «Челси» сапында тағы бір жыл доп тебеді. Жаңа келісімшарт 2021 жылдың жазына дейін жарамды.

Айта кетейік, Кабальеро 2017 жылы «Манчестер Ситиден» ауысып келген. Ал Жиру 2018 жылы қаңтарда «Арсеналдан» ауысып келді.