«Қайрат» пен «Астананың» бұрынғы ойыншысы ЦСКА-ға ауысады

Мәскеулік ЦСКА «Оренбург» шабуылшысы Джордже Деспотовичті қатарға қосуға ниетті, деп жазады Prosports.kz.

Маусым соңында сербиялық футболшы еркін агент атанады. Сондықтан оның басқа клубтарымен келіссөз жүргізуге құқы бар. ЦСКА бұған дейін ойыншының агентімен байланысып, жылына 1,2 миллион еуро жалақымен ұсыныс жасаған.

Айта кетейік, Деспотович қазақстандық жанкүйерлерге жақсы таныс ойыншы. Ол «Қайрат», «Астана», «Жетісу» және «Тобыл» командаларында өнер көрсеткен.