Айдос Орал: Қазақстанда бапкерлер жас ойыншыларға сенім артпайды

«Шахтер» ойыншысы, 2017 жылғы  Гранаткин мемориалының үздік жартылай қорғаушысы Айдос Оралмен Prosports.kz сайтының тілшісі әңгімелесіп қайтқан еді. Оқырман назарына сол сұхбатты ұсынамыз.

• Айдос, қазір қай спортшымен сөйлессек те, алдымен карантин туралы сұраймыз. Себебі спорт жарыстары мен турнирлер тоқтап тұр. Өзің карантин режимін қалай өткіздің?
• Футбол ойнамағанымыз болмаса, күнделікті режимім өзгере қойған жоқ. Алаңды сағындық, бірақ. Былай болады деп кім ойлаған.
• Жаттығу процесі ақсап тұрған жоқ па? Үйдегі дайындық спорттық бабыңды бірқалыпты ұстауға мүмкіндік бермейтін шығар?
• Мен жаттығуды негізінен далада өткіздім. Бапкердің нұсқауы бойынша иықтың жоғарғы жағына жаттығулар жасадым. Қазір саябақта кросс жүгіріп жүрміз.
• Сонда да бос уақыт көп болған шығар? Қандай кітап оқыдың немесе қандай фильмдер тамашаладың?
• Жақсы кино болса көп көремін. Мәселен, «Легенда №17», «Тренер» фильмдері ұнады. Кітапты анда-санда оқимын.
• Биылғы маусым туралы айтайықшы. Басталмай жатып тоқтап қалған чемпионатта қай команданың әлеуеті мықты екенін бағамдап үлгермедік. Кеншілер қай орыннан үмітті биыл?
• Ең жоғары орындарға таласамыз.
• Қысқа қайырдың ғой?
• Берілген тапсырма солай. Мүмкіндігінше жүлделі орындарға ұмтыламыз.
• Ал команданың әлеуетін нақты бағалап көрсек ше?
• Тіпті, білмеймін де… Бұған жауап бере алмаймын.
• Бір кездері Гранаткин мемориалында жұлдыздай жарқырадың. Сол турнирдің үздік жартылай қорғаушысы атандың. Қазір сол Айдос Оралды неге көре алмай жүрміз? Бәлкім бұл жаттықтырушының кінәсі ме?
• Олай ойламаймын. Бірақ біздің елде жас ойыншыларға көп сенім артпайды бапкерлер. Содан болар деп ойлаймын.
  
• Биыл негізгі құрамнан орын ала аласың ба, қалай ойлайсың?
• Тырысып көремін. Бәсекелестік жоғары деп қол қусырып отыруға болмайды.
• Басқа клубтарға ауысу ойда бар ма?
• Білмеймін, ұсыныс түссе көре жатармыз.
• Қазақстан Премьер-лиггасының қай клубы және қай ойыншысы ұнайды?
• Қай команда екенін айтпай-ақ қояйын. Футболшылардан Исламханның ойынына тамсанатынмын. Қазір Милан Стояновичтің ойын стилі ұнайды.
• Еуропа чемпионаттарына кеткің келмей ме?
• Әрине, ол бәріміздің арманымыз ғой.
• Мысалы қай елдің чемпионатына барғың келеді?
• Батыс Еуропаның кез келген біріншілігіне. Жалпы Еуропаның көптеген мемлекеттерінде футбол жоғары деңгейде дамыған.
• Сені үздік ойыншы қылып тәрбиелеген Александр Кузнецов әр сұхбатында сені мақтаныш етіп отырады. Ол туралы қандай пікір білдіресің?
• Қуаыштымы, әрине. Ол ғана емес, бүкіл л мақтайтындай футболшы болуға тырысамын. Кузнецов жасөспірімдер және жастармен жақсы жұмыс істейді. Менің ойымша оған клуб бапкері болу керек.
• Дәл қазіргі арманың не?
• Чемпионат тез басталса деп жүрмін
• Көп рахмет!
  
• 

Сұхбаттасқан Мадияр Қазыбек