«Арсенал» шабуылшысы «Реалға» ауысуы мүмкін
«Реал Мадрид» футбол клубы «Арсенал» шабуылшысы Пьер-Эмерик Обамеянгқа қызығушылық танытып отыр, деп жазады Prosports.kz.
Мадридтік клуб Габон құрамасының ойыншысы үшін 40 млн еуро төлеуге дайын. Егер қажет болса бұл трансферге «Арсеналда» өнер көрсетіп жүрген Дани Себальості қосуға қарсы емес.
Обамеянг пен «Арсеналдың» келісімшарт мерзімі аяқталуға 13 ай қалды. Егер жаңа келісімшарт жасалмаса, 30 жастағы шабуылшы 2021 жылы қаңтардан бастап өзіне жаңа клуб іздеуге құқылы.
