Ибрагимович «Миланда» қалады

Ардагер ойыншы Златан Ибрагимович «Миланда» тағы бір жыл қалып, командасының Чемпиондар лигасына жолдама алуына көмектеспекші, деп жазады Prosports.kz.

Ибрагимович «Миланға» биыл қыста ауысып келген. Ол кезде клубпен тек алты айға жарамды келісімшарт жасасқан болатын. Швед футболшысы келісімшартты тағы бір жылға ұзартуға қарсы емес. 

Осы арқылы Ибрагимович 2013/14 жылғы маусымнан бері Чемпиондар лигасында ойнамаған «Миланға» көмектесуді жоспарлап отыр.