УЕФА Атқару комитеті коронавирус пандемиясына қатысты жаңа бейнеконференция өткізеді

УЕФА коронавирус пандемиясына қатысты бейнеконференциясының қашан болатынын жариялады, деп хабарлайды Prosports.kz.

Конференция 23 сәуірге жоспарланған.

21 сәуірде УЕФА-ға мүше 55 қауымдастығы қатысатын ақпараттық сессия өтеді.

Бейнеконференцияда барлық еуропалық және клубтық жарыстарда жағдайдың дамуы талқыланады.

Еске сала кетелік, COVID-19 індетіне байланысты Еуропа турнирлерінің түгелге жуығы, оның ішінде Чемпиондар Лигасы мен Еуропа Лигасы тоқтатылды, ал биыл өтуге тиіс Еуропа чемпионаты 2021 жылға ауыстырылды.