Виталий Ли мансабын Бірінші лигада жалғастырады

Қазақстандық шабуылшы Виталий Ли жаңа маусымды «Қыран» командасында бастайды. 

Бірінші Лигада бақ сынайтын шымкенттік команда маусымға берген тізіміне 26 жастағы футболшыны қосқан. Қос тарап бір жылға келісімшарт жасасқан. 

Виталий Ли «Қазақмыс» командасының түлегі. Мансабында «Шахтер», «Қайрат», «Астана», «Ертіс», «Атырау» және «Ордабасы» клубтарында өнер көрсеткен.