«Бетис» футболшысы Ана Ромеро медицинаға бет бұрды

Испаниялық «Бетис» ойыншысы Ана Ромеро коронавирус пандемиясы кезінде медицина қызметкері атанды, деп хабарлайды Prosports.kz.

«Коронавирусқа қарсы күреске үлесімді қосып жатқаныма қуаныштымын!

Мені қолдағандары үшін «Бетис» клубына алғысым шексіз. Қолдан келгенді жасайтын күн туды! Үйде отырыңыздар», — деп жазды Ромеро Инстаграм-парақшасында.

<br />Айта кетелік, футболшының медициналық білімі бар. Ол севильялық клубта 2018 жылдан бері ойнайды.

Фото: Inst / ar7willy.