Ел намысын еурокубокта қорғайтын клубар анықталып қойды

<p> &nbsp;</p> <p> <strong>2014 жылғы Қазақстан Премьер-лигасының бітуіне бір тур қалғанда алғашқы алтылықта өнер көрсетіп жатқан командалардың тағдыры шешіліп қойды, деп хабарлайды &laquo;<a href="http://prosportkz.kz/kz/">PROСПОРТ</a>&raquo;.</strong></p> <p> &laquo;Қайраттың&raquo; &laquo;Ақтөбеден&raquo; жеңілгеніне батысқазақстандықтардан көрі, &laquo;Астана&raquo; қуанған шығар. Алматылық команданың үш ұпай жоғалтуымен &laquo;Астана&raquo; біріншіліктің аяқталуына бір тур қалғанда чемпион атанды. Демек, Чемпиондар лигасында ел намысын елордалық ұжым қорғайды.</p> <p> Екінші және үшінші орынды &laquo;Қайрат&raquo; пен &laquo;Ақтөбе&raquo; сарапқа салады. Бұл командалар Еуропа лигасына жолдама алып қойған. Қос клуб Қазақстан кубогының финалында кездесетінін ескерсек, еурокубокқа берілер жолдаманы төртінші орын алған команда еншілемек. Бұл &ndash; &laquo;Ордабасы&raquo;. Шымкенттік команда бесінші сатыда тұрған &laquo;Қайсардан&raquo; үш ұпайға озып тұр. Соңғы турда &laquo;Ордабасы&raquo; ұтылып, қызылордалықтар жеңіске жеткеннің өзінде турнир кестесі өзгермейді. Қазақстан чемпионатының тәртібіне сәйкес командалардың ұпайы бірдей болса, жеңіске жеткен матчтарының саны қаралады. Бұл тұста &laquo;Ордабасы&raquo; 13, &laquo;Қайсар&raquo; 9 кездесуде үш ұпай олжалаған.</p> <p> &laquo;PROСПОРТ&raquo; редакциясы келер маусымда ел намысын қорғайтын командаларға сәттілік тілейді! &nbsp; &nbsp;&nbsp;</p>