Қазақстан кубогының басталуы кейінге шегерілді

Қазақстан кәсіби футбол лигасы 2020 жылғы Қазақстан Кубогының басталуы турнирдің алдын-ала кезеңі форматының өзгеруіне байланысты кейінге шегерілді деп хабарлайды Prosports.kz.

Қазіргі уақытта бұл мәселе бойынша Қазақстан футбол федерациясымен консультациялар жүргізілуде.

Ел кубогының алдын-ала кезеңі өтетін күндер мен жаңа форма кейінірек жарияланады.

Еске салайық, 2020 жылғы ел кубогының алдын-ала кезеңінің матчтары 16-26 наурыз аралығында Шымкентте өткізілуі тиіс болатын.