Шетелде доп тепкен қазақстандық ойыншы «Ақтөбеге» ауысты

«Ақтөбе» футбол клубы жартылай қорғаушы Демият Сламбековпен еңбек келісімшартына қол қойды, деп жазады Prosports.kz.

Бұл туралы ақтөбелік клубтың баспасөз қызметі хабарлады.

Демият - алматылық «Цесна» жасөспірімдер футбол мектебінің түлегі. Сонымен қатар Рибейран-Претодағы «Оле Бразил» академиясында тәжірибеден өткен (2012-2014 жж.).

«Оқжетпес», «Бәйтерек», «Жетісу» клубтарында доп тепті. Сондай-ақ, Литва чемпионатында бақ сынайтын «Стумбрас» (8 ойын, 3 гол), «Хегельманн Литауэн» (15 ойын, 3 гол) командаларында өнер көрсетті. 

Сламбеков Демият

Туған жылы: 01/13/1997

Азаматтығы: Қазақстан

Бойы: 187

Салмағы: 72

Алаңдағы орны: Жартылай қорғаушы.