Қазақстандық балуан қыз Азия чемпионы атанды
Қазақстанның және әлемнің спорт жаңалықтарына жазылыңызНью-Делиде (Үндістан) әйелдер күресінен Азия чемпионаты өтіп жатыр, деп хабарлайды Prosports.kz.
72 келі салмақта қазақстандық Жәмилә Бақбергенова ақтық сында жапониялық Май Шиндоды 2:1 есебімен жеңіп, Азия чемпионы атанды. Бұл Қазақстан қоржынындағы екінші алтын жүлде саналады.
Еске сала кетейік, Бақбергенова бірінші айналымда өзбекстандық Светлана Окназаровадан (6:0) басым түсті. Үшінші раундта үнділік Прит Гуршаран (7:4) оның қарсыласы атанды. Жартылай финалда Жәмилә моңғолиялық Цевегмед Энхбайарды жеңді (10:0).