Томасов «Астананың» алғашқы оқу-жаттығу жиынының үздік сұрмергені

«Астана» футбол клубы Португалиядағы оқу-жаттғу жиындарындағы үздік сұрмергенін атады, деп хабарлайды Prosports.kz, клубтың ресми сайтына сілтеме жасай отырып. <br />«Астана» командасының Португалиядағы алғашқы оқу-жаттығу жиыны өз мәресіне жетті. Елорда командасы маусымға дайындық жұмыстарының алғашқы кезеңінде төрт кездесу өткізді. <br />Астаналықтар «Атлантик Кап» турнирі аясында «Брондбюді» 2:1 есебімен жеңіп, «Копенгаген» 0:2 және «Хеккен» 1:2 командаларына есе жіберді. Сондай-ақ, Михал Билек шәкірттері жолдастық кездесу аясында англиялық «Бредфордты» 4:2 есебімен жеңді. <br />Марин Томасов Португалиядағы оқу-жаттығу жиынының үздік сұрмергені атанды. Хорватиялық жартылай қорғаушы «Брондбю» қақпасына дубль жасап, ағылшындарға қарсы кездесуде Рамазан Каримовке нәтижелі пас берді. <br />Үздік сұрмергендер тізімінде екінші орында жоғарыда есімі аталған Рамазан Каримов. 20 жастағы шабуылшы бір гол соғып, шведтік «Хеккенге» қарсы кездесуде нәтижелі пасымен көзге түсті. <br />Үздік үштікті Рунар Мар Сигурьонссон қорытындылады. Исландиялық ойыншы Алексей Щеткин мен Марин Томасовтың гол соғуына мүмкіндік жасап, нәтижелі пас берген болатын.