Кьеллини «Ювентустің» Чемпиондар лигасына қатысатын ойыншылар тізіміне енді

Туриндік «Ювентус» футбол клубының капитаны Джорджо Кьеллини наурыз айында жасыл алаңға оралуы мүмкін, деп жазады Prosports.kz.

«Ювентус» Чемпиондар лигасының плей-офф кезеңіне қатысатын ойыншылар тізіміне Кьеллиниді қосты.

Ал жарақатына байланысты маусымның соңына дейін қатардан шыққан Мерих Демирал тізімнен шығарылды.

Чемпиондар лигасының 1/8 финалында «Ювентус» франциялық «Лионмен» кездеседі. Алғашқы матч Францияда 26 ақпанда, ал қарымта кездесу 17 наурызда Туринде өтеді.