Қостанайлық «Тобыл» екінші оқу-жаттығу жиынын бастады

Қостанайлық «Тобыл» Түркияға екінші оқу-жаттығу жиынын өткізу үшін ұшып барды, деп хабарлайды Prosports.kz клуб сайтына сілтеме жасап.

Команда Анталиядағы қонақ үйлердің бірінде орналасты. Бапкерлер құрамы шетелде үш апталық жиында 6 матч өткізуді жоспарлап отыр. Бірінші ойын 6 ақпанда сербиялық «Младости» командасымен өтеді.

Футболшылар алғашқы жаттығуларын өткізіп үлгерді. Бірінші топ футбол алаңында, екінші бөлігі залда жаттықты.