«Астана» футбол клубына жаңа спорт директоры тағайындалды

«Астана» футбол клубының жаңа спорт директоры болып Ғани Қайназаров тағайындалды, деп хабарлайды Prosports.kz клубтың ресми сайтына сілтеме жасап.<br />Ғани Әділханұлының футбол шаруашылығындағы тәжірибесі мол. Футболшы ретінде Жамбылдың «Химигінде», алматылық «Қайратта», «Таразда» және Қазақстан ұлттық құрамала жейдесін киген.

Футболшы мәнсабымен қош айтысқаннан кейін ол «Тараз» футбол клубында, сондай-ақ Қазақстан футбол федерациясында басқарушылық қызметтерде жұмыс істеді, ұзақ уақыт Ұлттық құрамалар департаментін басқарды.

Бұған дейін спорт директоры қызметін атқарған Нұркен Мазбаев клуб құрылымында жұмыс істеуді жалғастыра береді делінген аталмыш сайтта.