«Тобыл» қатарына жаңа үш ойыншыны қосты

Қостанайлық «Тобылдың» қатарына Қазақстан құрамасына кандидат үш футболшы ауысты, деп хабарлайды Prosports.kz <span>сайты клубтың баспасөз қызметіне сілтеме жасап. </span>

Қостанайлық клуб Қазақстан құрамасының қорғаушысы Александр Марочкинмен еңбек келісімін жасасты.

<br /><br />Александр мансабын Алматы облысының «Іле-Сәулет» клубында бастаған. Кейін Ақтаудың «Каспий» командасының құрамында өнер көрсетті.<br /><br />2015 жылы қорғаушы «Оқжетпес» сапында Премьер-лигадағы бірінші маусымын өткізді. 2016 жылы Марочкин «Қайсарға» барып, Көкшетауға қайта оралды.<br /><br />Александр былтыр қызылордалық «Қайсар» сапында өнер көрсетіп, Қазақстан Кубогының иегері атанды.<br /><br />Марочкин Қазақстан ұлттық құрамасының сапында 7 матчта алаңға шықты.

«Ақтөбенің» экс-жартылай қорғаушысы Асланбек Кәкімов те Қостанайға келді.<br /><br />Асланбек футбол мансабын Ақтөбеде бастады. Премьер-Лигада 2016 жылдан бастап өнер көрсетеді.<br /><br />Өткен маусымда Асланбек Кәкімов 12 нәтижелі ұпай жинап, «гол+пас» жүйесі бойынша «Ақтөбедегі» көшбасшылардың бірі болды. 

Қостанайлық клуб Қазақстан құрамасының шабуылшысы Оралхан Өміртаевты қатарына қосты.<br /><br />Оралхан – Қарағанды футбол мектебінің тәрбиеленушісі. «Шахтердің» құрамында шабуылшы 2015 жылы дебютін өткізді. Өткен бірнеше жыл ішінде кеншілер жейдесінде 70 матчта алаңға шығып, 8 гол соқты.<br /><br />Қазақстан ұлттық құрамасының сапында екі матч ойнап,екі гол соқты.