Семейде қазақстандық футбол мұражайы жаңа жәдігерлермен толықты

Семейде қазақстандық футбол мұражайы жаңа жәдігерлермен толықты, деп хабарлайды ҚазАқпарат қаланың ақпараттық орталығына сілтеме жасап.

<span>«10 желтоқсан – Дүниежүзілік футбол күні. Атаулы күннің құрметіне Қазақстан футболының мұражайында жаңа жәдігерлер таныстырылды», делінген хабарламада. </span>

<span>Мұражайға 2002 жылғы «Елімай» командасының қолтаңбасы бар доп қойылды, атақты «Қайрат» ойыншысы Тимур Сегізбаевтың аты жазылған футболканы спортшының отбасы тапсырды.</span>

<span>«Целинниктің» 70-80 жылдардағы ойыншысы, СССР спорт шебері, қазір ҚФФ балалар-жасөспірімдер футбол департаментінің маманы Владимир Павлюк «Целинник» ойыншыларының қолтаңбасы бар 1991 жылғы допты, «Динамодан» «Жеңіске» дейін« атты кітабын мұражайға сыйға тартты. </span>

<span>ҚФФ ұлттық құрама командалар департаментінің басшысы Иван Азовский шара кезінде Қазақстан құрамасының қорғаушысы Сергей Малойдың ойын футболкасын таныстырды. </span>

<span>Мұражайдың келушілері Қазақстан құрамасының құрылу тарихымен де таныса алды. Тұсаукесерде құраманың формасы көрсетілді. Сондай-ақ, «Елімай« құрамында Қазақстанның екі дүркін чемпионы болған Константин Фриденталь құрама жейдесін сыйға тартты.</span>

<span>Енді қазақстандық футболдың рекордшысы Андрей Пинчуковтың аяқ киімі де мұражайдан орын тапты. </span>

<span>»Восток« стадионының бұрынғы директоры, қазіргі «Устинка+« газетінің спорт шолушысы Валерий Чернов мұражайға бағдарламалар, газет топтамасын сыйлады. </span>

<span>Айта кетерлігі, мұражай 2017 жылдан бастап жұмыс істейді. Жыл сайын Қазақстанның түкпір-түкпірінен және басқа елдерден келген жас спортшылар Семей қаласындағы турнирге келгенде Қазақстан футболының мұражайына барады. Жалпы мұражай ашылғаннан бері оны 1 200-ден астам адам тамашалаған.</span>