«Атырау» мен «Астана» футболшылары көлік апатына түскен Дәурен Мәжітовке қолдау көрсетті

Қазақстан чемпионатының 23-турының кейінге шегерілген матчында «Атырау» мен «Астана» футболшылары көлік апатына түскен Дәурен Мәжітовке қолдау көрсетті. <br /><br />Қос команданың ойыншылары алаңға «Дәурен, біз сеніменбіз!» деген жазуы мен Дәурен Мәжітовтің суреті бар жейдені киіп шықты. <br /><br />Айта кетейік, «Атырау» клубының қорғаушысы Дәурен Мәжітов 23 қыркүйек күні жол апатына түсті. Футболшының бірнеше жері сынған, омыртқа жотасынан жарақат алған. <br /><br />Мәжітов ағымдағы маусымда «мұнайшылар» сапында 18 матч өткізіп, бір гол соқты.