Қайраттықтар үздік атанды

Алексей Шпилевский мен Бауыржан Исламхан Қазақстан Кәсіпқой футбол лигасының арнайы сыйлығына ие болды деп жазады Prosports.kz клубтың ресми сайтына сілтеме жасап.

Клубтың бас бапкері ҚПЛ-дың шілде айындағы үздік бапкері атанса, Исламхан биыл екінші рет қатарынан үздік футболшы атанып отыр.

Еске сала кетелік, дауыс беруге Премьер-лига клубтарының барлық бас бапкерлері қатысады. Алматылық команданың капитаны 17 ұпай жинаса, Алексей Шпилевскиді  төрт жаттықтырушы үздік деп таныған.