«Астана» мен «Тараз» футболшылары ұзақ уақытқа шеттетілді

Қазақстан футбол федерациясы Тәртіптік-бақылау комитеті отырысы өтті, деп жазады Prosports.kz ұйымның ресми сайтына сілтеме жасап.

Жиында бірнеше клуб пен футболшыларға жаза белгіленді. Солардың ішіндегі ең  елеулісі ҚПЛ-дің 24-турында қақтығысып қалған «Астана» мен «Тараз» ойышыларының тәртібіне қатысты. Қарсыласына физикалық күш көрсеткені үшін нұрсұлтандық клуб ойыншысы Жарко Томашевич пен тараздық Серж Ньюадзе премьер-лиганың бес матчынан шеттетілді. Жаза 26 тамыздан бастап қолданысқа енген болып саналады.