«Қайсар» қайырымдылық шарасын өткізді

<p style="text-align: justify;"> <strong>Қызылорданың &laquo;Қайсар&raquo; футбол клубы Тасбөгет кентіндегі №2 балалар сауықтандыру орталығына барып, қайырымдылық шарасын өткізді, деп хабарлайды клубтың ресми сайты.</strong></p> <p style="text-align: justify;"> Ойыншылар мен клуб әкімшілігін орталықтың Жұматова Перизат Алмашқызы бастаған басшылық күтіп алды.</p> <p style="text-align: justify;"> &laquo;Бізде 60 шақты бала бар. Ең кішісі үште, үлкені 16-да. Негізі 1 жас пен 18-ге дейінгі балаларды қабылдай береміз. Осылай көмек көрсетіп, қол ұшын беріп жатқандарыңызға рахмет&raquo;, - деп ағынан жарылды орталықтың директоры.</p> <p style="text-align: justify;"> &laquo;Сіздердікі ерлік. Балаларды бауырларыңызға басып, мәпелеп отырсыздар&raquo;, - деді шара соңында орталық директорына қарап сөз алған &laquo;Қайсар&raquo; командасының бас бапкері Дмитрий Огай. &laquo;Сондықтан, сізге және ұжымыңызға айтар алғысымыз зор. Сіздер секілді қайырымды жандар көбейе берсін. Өз тарапымыздан біз осы орталыққа жиірек келіп тұруға тырысамыз&raquo;.</p> <p style="text-align: justify;"> Сонымен қатар, команда капитаны Кирилл Шестаков та футболшылар атынан сөз сөйлеп, балалардың толық айығып кетулерін тіледі. Ал жас шабуылшы Елжас Алтынбеков алдағы голын осы балаларға арнауға уәде берді.</p>