«Хетафе» қорғаушысы полицейлерге қарсы шығып, тұтқындалды

«Хетафе» қорғаушысы Матиас Оливера Альбасете провинциясындағы қонақүй маңында төбелес шығарып, салдарынан тұтқындалды, деп хабарлайды Prosports.kz сайты.

Полиция төбелес орнына келген кезде Оливера құқық қорғаушыларға қарсы шыққан. Нәтижесінде футболшы сол түнді полиция бөлімшесінде өткізді.

Оливера жексенбі күні бостандыққа шыққан, бірақ клуб өз футболшысының осы әрекеті үшін оған шара қолданбақ.