«Қайраттың» бұрынғы ойыншысы мәскеулік ЦСКА-ға ауысты

Ресей Премьер-лигасында «Тамбовтың» сапында ойнаған Седрик Гогуа мәскеулік ЦСКА-ға ауысты, деп жазады Prosports.kz.

«Қайраттың» бұрынғы ойыншысы Ресей біріншілігінің алғашқы бес турында тамаша ойын өрнегін көрсетіп, чемпионаттың көшбасшыларының қызығушылығын тудырған. Бүгін белгілі болғандай Гогу ЦСКА-мен келісімшартқа отырды.

Айта кетейік, Гогуа «Қайрат» сапында бір жыл өнер көрсеткен еді. Бірақ негізгі командада ойнай алған жоқ, тек Бірінші лигада өнер көрсетті.