Қазақстандық бапкердің командасы «Маккабиді» жеңді

Владимир Чебурин баптайтын «Судува» Еуропа лигасында ұзаққа баратын секілді. 

Еуропа лигасы үшініші іріктеу кезеңінде литвалық «Судува» тель-авивтік «Маккабиді» қонақта 2:1 есебімен жеңді. Қарымта кездесу бір аптадан кейін Литвада өтеді.

Айта кетейік, Чебурин баптайтын команда еурокуботағы жолын Чемпиондар Лигасынан бастаған болатын. Алайда, алғашқы кезеңде «Црвена Звездадан» қос ойын қорытындысы бойынша ұтылып қалды. Еуропа лигасының екінші кезеңінде «Судува» сан-маринолық «Тре-Пенне» қақпасына екі матчта 10 доп тоғытқан еді.