«Атырау» камерундық ойыншымен келісімшарт жасасты

«Атырау» футбол клубы камерундық жартылай қорғаушы Жак Альберто Нгвемен келісімшарт жасасқанын ресми жариялады, деп хабарлайды Prosports.kz.

Атыраулық клубтың баспасөз қызметі футболшымен жасалған келісімшарт мазмұнын егжей-тегжейлі мәлімдеген жоқ.

27 жастағы футболшы 2012 жылдан бастап Грецияның екінші дивизионында бақ сынайтын «Фокикос», «Хания», «Ламия», «Киссамикос», «Волос» клубтарында доп тепті. Бұл чемпионатта жалпы 100-ден астам матч өткізді. 

Бұдан бөлек, аталған елдің үшінші дивизионында өнер көрсететін «Астерас» (Амалиада) командасымен бірге турнирде топ жарған болатын.