Юсуп Шадиев: «Исламханның Еуропаға кететін уақыты келді»

<p style="text-align: justify;"> <strong>Қазақ футболының ардагері, &laquo;Қайраттың&raquo; бұрынғы қорғаушысы Юсуп Шадиев &laquo;PROСПОРТ Қазақстан&raquo; тілшісіне берген сұхбатында еліміздің бірқатар жас футболшыларын мақтады.</strong></p> <p style="text-align: justify;"> &laquo;Соңғы уақытта Георгий Жуковтың ойыны ұнап жүр. Өте мықты, талантты ойыншы. Еуропа футбол мектебінде тәлім алғаны көрініп тұр. Өзімен жасты ойыншылардан әлдеқайда жақсы ойнайды. Жасы небәрі 19-да. Исламханнан да мықтырақ деп ойлаймын.</p> <p style="text-align: justify;"> Исламхан &ndash; мықты футболшы. Оған біраз уақыт қажет. Бауыржан үшін Ресейге немесе Еуропаға кеткен дұрыс болар еді.</p> <p style="text-align: justify;"> Абай Айымбетовтың қарқыны күшті. Былтыр жарақат алған болатын. Әйтсе де, соңғы ойындарды тыңнан алаңға қосылып өз командасына көмектесіп жүр&raquo;, - деді Юсуп Аллаудинұлы.</p>