Стадионда жанкүйерлер саны азайып барады. Себебі, «Ақтөбе» қонақта

Қазақстан Премьер-Лигасының 20-шы тур ойындарындағы 6 матчты тамашалауға стадиондарға 21 100 көрермен келген екен. 

Бұл көрсеткіш өткен 19-шы турмен салыстырғанда 3000 адамға азайған. Ал, 18-ші турдың матчтары 26 300 көрермен жинаған. 

Айта кету керек, ҚПЛ-дың соңғы орнына «мықтап» жайғасып қалған «Ақтөбе» әр турда жанкүйер жинаудан чемпионатта алдынғы қатарда. Соңғы екі матчын бұл ұжым қонақта өткізді. Соның себебінен соңғы екі турдағы көрсеткіш төмен түсіп тұр. 

20-тур.

«Тобыл» — «Қайсар» - 5500 адам

«Ордабасы» — «Ертіс» - 5500 

«Астана» — «Тараз» - 3500

«Қайрат» — «Атырау» - 2500

«Жетісу» — «Шахтер» - 2500

«Оқжетпес» — «Ақтөбе» - 1600