- Кездесу оңай болған жоқ, табиғи алаңа ойнадық. Ойын барысын бақылауда ұстап, көп гол соғатын мүмкіндіктер болды. Алайда, кездесу аяқталар тұста бұрыштамадан көтерілген допты қарсылас ойыншылары голға айналдырып кетті. Жалпы алғанда, жаман ойын көрсеткен жоқпыз. Екінші айналымды жеңіспен бастағымыз келген. Бүгінгі ойында ұпай жоғалтқанымыз өте өкінішті болды.
- Екі жылдан кейін команда құрамына қайта оралдың. Қандай сезімдесің?
- Кәсіби футболшы ретіндегі жолымды алғаш бастаған команда құрамына қайта оралғаныма қуаныштымын. Мен барлығын білемін, олар да мені таниды. Сондықтан, бейімделу тұрғысынан ешқандай қиындық болған жоқ. Ал ойынға келер болсам, өз қалағанымдай болмады. Себебі, біз бүгінгі кездесуде ұпай жоғалттық. Жалпы алғанда, команда құрамында талантты жас ойыншылар жинақталған. Олардың болашағы жарқын боларына сенімдімін. Одан бөлек, маған сенім артып, команда құрамына шақырған Василий Васильевич Марунякқа ерекше алғыс білдіремін.