«Қайрат» қауқарлық таныта алмады

Еуропа лигасы екінші іріктеу кезеңінде «Қайрат» Израильде беэршавалық «Хапоэльден» ұтылды, деп жазады Prosports.kz.

«Хапоэль» оныншы минутта Раде Дугаличтің қателігінен кейін, пенальтиден есеп ашты. 30-шы минут пен бірінші тайм соңына дейін, және екінші таймдағы алғашқы он бес минутындағы «Қайраттың» үздіксіз шабуылдары голға ұласпады. Ал, 63-ші минуттағы алаң қожайындарының шабуылшысы Эден Шамирдің нәтижелі соққысы алматылық ұжымның сағын сындырды. 

«Қайрат» пен «Хапоэль» арасындағы қарымта матч 1-тамыз күні Алматыда өтеді.

Еуропа лигасы. Екінші кезең. Алғашқы матч

«Хапоэль» Беэр-шева - «Қайрат» 2:0(1:0)

Голдар: Рамзи Сафури 10 пенальтиден, Эден Шамир 63 

«Хапоэль»: Шеткус, Биттон Б., Кельтенс, Мигел Витор, Кабха, Сафури, Марин, Гольдберг, Хасселбайнк, Шамир, Таа;

«Қайрат»: Покатилов, Ахметов, Сүйімбаев, Қуат, Жуков, Исламхан, Эсеола, Абикен, Вжесиньски, Дугалич, Миканович.