Ермұхамед Мәулен: «Қазақстандық командаларды тізімнен сызып тастауға болады»

<p> <strong>Бүгінгі таңдағы белгілі спорт комментаторы Ермұхамед Мәулен &laquo;PROСПОРТ&nbsp; Қазақстан&raquo; тілшісіне берген сұхбатында Еуропа лигасында қазақстандық клубтардың мүмкіндігіне баға беріп, ел біріншілігінің екінші кезеңіне болжам жасады. </strong></p> <p> &laquo;Қазақстандық қос клубтың да еурододаның топтық кезеңіне өтуге мүмкіндігі жоқ. &laquo;Астананың&raquo; мүмкіндігі о бастан аз еді, енді Испаниядағы кездесуді &laquo;тәжірибе алу үшін&raquo; деп қана есептеуге болады. Станимир Стойловқа алаңға бірнеше жас футболшыны шығару қажет, себебі жеңілген күннің өзінде, жастарымызға тиер пайда көп. &laquo;Ақтөбенің&raquo; де сырт алаңда жеңіске жетуі екі талай. Польшалық команда өз алаңында тамаша ойнайды. &laquo;Легия&raquo; Қазақстаннан өз еліне жеңіспен оралғанын ескерсек, ақтөбелік клубты да тізімнен сызып тастай беруге болады. Дегенмен, бейсенбіде қос клубымызға да жанкүйер боламын&raquo;, - деді Ермұхамед Мәулен.&nbsp;&nbsp;&nbsp;&nbsp;&nbsp;&nbsp;</p> <p> <strong>Қазақстан чемпионаты жайында</strong></p> <p> &laquo;Ел біріншілігінің екінші кезеңінде кез-келген клуб чемпион боп кетуі мүмкін. Алайда биыл, менің пікірімше, &laquo;Қайрат&raquo; пен &laquo;Астана&raquo; алтын жүлдеге таласады. Бұл командалардың қадамдары қарымды. Оның үстіне чемпион атанбағандарына ұзақ уақыт болды. Бапекерлері де тісқаққан мамандар.Сондықтан олар биылғы маусымды уысынан шығарып алмауға тырысады. Ал &laquo;Ақтөбе&raquo; футболшылары қатты шаршады. Үш турнирде қатар ойнау оңай емес. &laquo;Шахтердің&raquo; де ойыны жүрмей тұр, былтырғыдай тағы да ел Кубогына таласатын шығар&raquo;, - деп пікірін білдірді ел чемпионаты туралы.</p>