Audi «Барселонаға» тегін берген көліктерін қайтарып алмақ

Audi компаниясы «Барселона» ойыншыларына демеушілік келісімшарт бойынша тегін берілген көліктерді қайтаруды сұрады, деп хабарлайды Prosports.kz сайты.

Неміс компаниясы мен каталониялық клуб арасындағы келісімшарт 30 маусымда аяқталған. «Барселонаның» ойыншылары азиялық турдан оралған соң автокөліктерді қайтаруға міндетті.

Audi испаниялық клуб ойыншыларының сапар кезінде бәсекелес маркалардың көліктерін пайдаланғанына көңілі толмаған.