Гризманн «Барселонадағы» алғашқы жаттығуын өткізді. Видео

«Барселонаға» жаңа қосылған Антуан Гризманн каталониялық клуб сапында алғашқы жаттығуын өткізді, деп хабарлайды Prosports.kz сайты.

Өткен маусым аяқтала сала мадридтік «Атлетико» сапынан кететінін мәлімдеген француз үшін «Барселона» 120 миллион еуро төледі.

Айта кетейік, Гризманн «Атлетикоға» 2014 жылы аусып келген. Содан бері ол мадридтік команданың үздік ойыншыларының бірі болды.

Өткен маусымда ол 21 гол соғып, 10 нәтижелі пас берген.