Қызылордада халықаралық талаптарға сай стадион бой көтермек

<p style="text-align: justify;"> <strong>Алдағы бірер жылдың бедерінде Сырдарияның жағалауында 10-12 мыңдық көрерменге лайықталған заманауи стадионның құрылысы басталады, деп мәлімдейді ivest.kz.</strong></p> <p style="text-align: justify;"> &laquo;Осы ретте, 2016 жылы Сырдарияның жағалауында 10-12 мыңдық көрерменге лайықталған заманауи стадионның құрылысы басталады. Сол стадионда &laquo;Қайсардың&raquo; ойындары өтетін болады. Сондай-ақ, &laquo;Қайсар&raquo; футбол клубының базасы салынады. Онда футболшылар үшін барлық жағдай жасалады. Жанында 6 футбол алаңы салынады, оның үшеуіне жасанды, қалған үшеуіне табиғи шөп төселеді. Ал қазіргі стадион Қызылорданың екінші командасы &laquo;Байқоңырға&raquo; беріледі. Қазақстан біріншілігінің Екінші лигасында өнер көрсететін, енді аяғынан тік тұрып келе жатқан &laquo;Байқоңырдың&raquo; алдына Бірінші лигаға жолдама алу міндеті қойылып отыр&raquo;, - дейді облыстық дене шынықтыру және спорт басқармасының бастығы Садық Мұстафаев.</p>