ЧФР – «Астана» кездесуінде австриялық қазылар төрелік етеді

УЕФА Чемпиондар лигасының алғашқы іріктеу кезеңі аясындағы ЧФР Клуж – «Астана» арасындағы жаупты кездесуге 37 жастағы Александр Харкам бастаған австриялық төрешілер құрамы төрелік етеді.

Осылайша, Харкам кәрі құрлықтың басты додасы аясындағы бесінші ойынында төрелік етпек. Ол осыған дейін «Трепча» - «Викингтур» (1:4), «Валетта» - «Црвена Звезда» (1:2), «Скендербеу» - «Крузейдерс» (4:1) және «Сутьеска» - «Шериф» (0:2) арасындағы ойындарда қызмет атқарған. 

Харкам бұл кездесулерде 23 сары және 2 қызыл қағаз көрсеткен. Александрға алдағы ойында Андреас Витчнигг мен Андреас Штаудингер көмектеседі. Қосалқы төреші: Кристиан-Петру Чокирца.