Месси алдағы екі жылда ұлттық құрамада ойнамауы мүмкін

«Тіл мен жаққа сүйеніп бәле тапты» деген осы шығар. 

<span>Аргентина ұлттық құрамасының капитанын КОНМЕБОЛ (Оңтүстік Америка конфедерациясының ұйымы) екі жыл бойы ұлттық құрама ойындарына қатыстырмауы мүмкін.</span>

<span>КОНМЕБОЛ тәртібі бойынша, ешбір футболшының бұл ұйымға немесе оның өкілдеріне тіл тигізуге құқы жоқ.</span>

<span>Егер, жаза орын алатын болса, Месси келесі жылы Аргентина мен Колумбияда өтетін Америка кубогы мен 2022 жылғы әлем чемпионатына іріктеу ойындарына қатыспайды. </span>

Айта кетейік, Америка кубогындағы үшінші орын үшін болған Аргентина - Чили(2:1) матчында Месси бірінші таймда алаңнан қуылып, матч соңынан кейін қола медальдан бас тартып, төрешілер мен КОНМЕБОЛ-ды ашық сынға алып, жемқор ұйым деп айыптаған болатын.