Марат Бикмаев: «Қазақстанды сағынып жүрмін»

<p style="text-align: justify;"> <strong>&laquo;Ақтөбе&raquo; футбол клубының бұрынғы ойыншысы Марат Бикмаев &laquo;PROСПОРТ&raquo; тілшісіне берген сұхбатында қазақстандық командаларға сәттілік тілеп, Қазақстанды қатты сағынып жүргенін айтты. &nbsp;</strong></p> <p style="text-align: justify;"> <strong>- Марат, &laquo;Ақтөбенің&raquo; кездесулерін тамашалап жүрсіз бе?</strong></p> <p style="text-align: justify;"> - Иә. Соңғы ойында &laquo;Астанамен&raquo; тең түсті &ndash; 1:1. Мұнда &laquo;Ақтөбенің&raquo; кездесулерін көрсетпейді, сондықтан тек қана нәтижелерін ғаламтордан қараймын. &nbsp;</p> <p style="text-align: justify;"> <strong>- Бүгін &laquo;Ақтөбе&raquo; Еуропа Лигасы аясында польшалық &laquo;Легияны&raquo; қабылдайды. Аталмыш матч қалай аяқталады деп ойлайсыз?</strong></p> <p style="text-align: justify;"> - &laquo;Ақтөбеге&raquo; тек қана сәттілік тілеймін. Командамыз өте мықты. Ең бастысы &ndash; ойыншыларға жинақы болу керек. Ойыннан тыс нәрсенің бәрін ұмытып, бар күштерін &laquo;Легияға&raquo; қарсы матчқа салуы қажет.</p> <p style="text-align: justify;"> <strong>- Былтырғы маусымда киевтік &laquo;Динамо&raquo; түссе, биыл &ndash; &laquo;Легия&raquo;. Қос команданың қайсысы мықты деп ойлайсыз?</strong></p> <p style="text-align: justify;"> - Қайсысы мықты деп нақты айту қиын. Еуропалық командалардың деңгейлері бірдей.</p> <p style="text-align: justify;"> <strong>- &laquo;Стяуамен&raquo; өткен ойынды көрдіңіз бе?</strong></p> <p style="text-align: justify;"> - Өкініншке қарай, көре алмадым. Бірақ, гол соғатын талай мүмкіндіктер болды деп естідім.</p> <p style="text-align: justify;"> <strong>- Сізге жақсы таныс Владимир Газзаев сол матч қарсаңында &laquo;Ақтөбенің&raquo; тізгінін ұстаған болатын. Бұл бапкер жайлы пікіріңіз қандай?</strong></p> <p style="text-align: justify;"> - Жас бапкер. Меніңше, басшылық дұрыс шешім қабылдады. Владимир Газзаев &ndash; болашағынан үлкен үміт күттіретін маман. Алдына қойған мақсатына қайтсе де жетеді. &nbsp;&nbsp;</p> <p style="text-align: justify;"> <strong>- Бүгін сондай-ақ тағы бір қазақстандық команда &laquo;Астана&raquo; &laquo;Вильярреалмен&raquo; күш сынасады. Бұл матч жайлы не ойлайсыз?</strong></p> <p style="text-align: justify;"> - &laquo;Астана&raquo; &ndash; мықты команда. Оларға да сәттілік тілеймін. Біздің командалар келесі кезеңге шыққысы келсе, өз алаңдарында жақсы нәтиже көрсетуі керек.</p> <p style="text-align: justify;"> <strong>- Қазақстанды сағынып жүрген жоқсыз ба? Қайта оралуыңыз мүмкін бе?</strong></p> <p style="text-align: justify;"> -Әрине сағынамын. Бірақ, менде ташкенттік &laquo;Локомотивпен&raquo; келісімшарт бар. Бұған қоса жарақатымнан әлі толық емделген жоқпын. Жалпы, достарымды, Ақтөбені, Қазақстанды сағынамын.</p>