Қуат пен Шпилевский жанжалдасып қалды
«Қайраттың» вице-капитаны Исламбек Қуат пен бас бапкер Алексей Шпилевский жанжалдасып қалды.
Бұған дейін жас маман мен футболшының ара-қатынасы суып кеткені туралы отандық басылымдар жазған болатын. Енді «Астанаға» (2:0) маңызды матчтың алдында Қуат пен Шпилевский бүкіл команданың көзінше ұрсысып, жанжал шығарған.
Дәл осы себепті Исламбек Қуат елордалық клубқа қарсы матчта негізгі құрамда шықпай, тек екінші таймда қосылды.
Оған қоса қазақстандық футболшы мансабын шетелде жалғастыруды көздеп отыр. Нақтылап айтқанда, Исламбек Қуатқа бельгиялық команда қызығушылық танытып отырған көрінеді.
