«Ертіс» бес бірдей футболшысымен қош айтысты

Павлодардың «Ертісі» бірден бес бірдей футболшысымен келісімшартты бұзды, деп хабарлайды Prosports.kz сайты.

Атап айтқанда, Каспар Дубра, Рохер Каньяс, Павел Шабалин, Антон Цирин және Милан Мирославлев командамен қош айтысқан. Алайда футболшылардың клубтың ісін заңсыз деп ФИФА-ға арыз түсіруі мүмкін.

Айта кетейік, бұған дейін «Ертістен» Аслан Дарабаев пен Станислав Лунин кеткен болатын. Оған қоса бас бапкер Димитар Димитров пен оның көмекшілері қызметінен шеттетілді.