Алматылық жас футболшылар Испаниядағы турнирде жеңіске жетті

Алматылық «Арыстан» футбол командасы Барселонада (Испания) өткен U-13 тобындағы Copa Cataluña турнирінде жеңімпаз атанды, деп хабарлайды ҚазАқпарат.

<span>Турнир финалында жас қазақстандықтар италиялық «ТФТ Флория-2000» командасын пенальти бойынша ұтып, есеп 4:2 болды. Матчтың негізгі есебі - 0:0. </span>

<span>Финалға барар жолда алматылықтар Польша, Испания, сондай-ақ италиялық футбол клубтарымен кездесті. </span>

<span>«Бұл жеңіс бізге ерекше қуаныш сыйлады. Бізге шын көңілімен сенгені үшін жаттықтырушымыз Бейбіт Құлыбековке алғысымыз шексіз. Жанкүйерлеріміздің үмітін ақтау үшін барымызды салдық. Сәтті сапар болды», - дейді «Арыстанның» 13 жасар ойыншысы Мирас Габдылмуталапов.  </span>

<span>Айта кетейік, турнирде 24 елден 126 команда бақ сынады. Каталония кубогы осымен 32-ші рет өтіп отыр. </span>

<span></span>